Անձնակազմ – Ախուրիկի Միջնակարգ Դպրոց

shirak.akhurikdproc@gmail.com
+37493384300
+37491384303
Երկ - Ուրբ : 08.00-17.00

Գլխավոր էջ
Դպրոցի մասին
- Նորություններ
Անձնակազմ
Հաշվետվություն
- Նախագծային աշխատանքներ
- Քննական արդյունքներ
Հետադարձ կապ

Առաքել Մելիքի Մելիքյան ՏՆՕՐԵՆ

Առաքել Մելիքի Մելիքյան

ՏՆՕՐԵՆ

Ծննդյան օրը, ամիսը, տարեթիվը՝ 21.05.1987թ.

1994-2004թթ. ՀՀ Շիրակի մարզի Ղարիբջանյանի միջնակարգ դպրոց:

2005-2009թթ. Գյումրու Մ.Նալբանդյանի անվան պետական մանկավարժական ինստիտուտի, «պատմաբանասիրական» ֆակուլտետը՝ բակալավրի աստիճան:

2023-2025թթ. ՀՀ Երևանի «Հայբուսակ» համալսարանի տնտեսագիտություն բաժինը, տնտեսագիտություն մասնագիտությամբ՝ մագիստրոսի աստիճան:

2005-2009թթ. – 2016-2019թթ. եղել եմ Ախուրյանի գետավազանի հիդրոլոգիական կայանի դիտորդ:

2009թ. ընդունվել եմ Շիրակի մարզի (Գյուլլիբուլաղի) Բյուրակնի միջնակարգ դպրոցում որպես պատմության ուսուցիչ:

2016թ.-ից եղել եմ Բյուրակնի միջնակարգ դպրոցում ներառական կրթության կոորդինատոր:

2019թ.-ից նշանակվել եմ Բյուրակնի միջնակարգ դպրոցում որպես տնօրենի ուսումնական աշխատանքի գծով տեղակալ:

2022թ.-ից առ այսօր աշխատում եմ «Ախուրիկի միջնակարգ դպրոց» ՊՈԱԿ-ում՝ դպրոցի տնօրեն:

Անժիկ Սահակյան

ՄԿԱ Գծով Տնօրենի Տեղակալ

Անժիկ Սահակյան

1994 թվականից աշխատում է «Ախուրիկի միջնակարգ դպրոց» ՊՈԱԿ-ում՝ որպես գրադարանավարուհի, իսկ 2003 թվականից՝ նաև կերպարվեստի ուսուցչուհի։ Ավարտել է Լենինականի Ա․ Մռավյանի անվան մանկավարժական ուսումնարանը՝ ստանալով նախադպրոցական կրթության դաստիարակի որակավորում։ Մասնագիտական գործունեությունն սկսել է Այգաբաց գյուղի մանկապարտեզում՝ որպես դաստիարակչուհի։ Մասնակցել է կերպարվեստի, արվեստի, նախագծային ուսուցման, գրադարանային գործի, «Տեխնոլոգիա» և «Հայոց եկեղեցու պատմություն» առարկաների դասավանդման վերաբերյալ մասնագիտական վերապատրաստումների։ 2024 և 2025 թվականներին մասնակցել է «Կերպարվեստ» առարկայի կամավոր ատեստավորմանը՝ հաղթահարելով անցողիկ շեմը։ Տիրապետում է Microsoft Office, EMIS, Teams և Zoom ծրագրերին։

Մարինե Կիրակոսյան

Տնօրենի Տեղակալ

Մարինե Կիրակոսյան

2014 թվականից աշխատում է «Ախուրիկի միջնակարգ դպրոց» ՊՈԱԿ-ում՝ որպես տնօրենի տեղակալ։ 1998–2014 թվականներին նույն դպրոցում զբաղեցրել է մասնագիտացված կրթական աջակցությունների գծով տնօրենի տեղակալի պաշտոնը։ Ավարտել է Երևանի Կ․ Մարքսի անվան պոլիտեխնիկական ինստիտուտը՝ ստանալով ինժեներ-տեխնոլոգի որակավորում։ Մասնագիտական գործունեության ընթացքում աշխատել է որպես ինժեներ, ինչպես նաև քիմիայի և կենսաբանության ուսուցչուհի։ Մասնակցել է կրթության կառավարման, ներառական կրթության, հանրակրթության պետական չափորոշչի, ուսուցչի օգնականների դասավանդման հմտությունների զարգացման, ֆինանսական կրթության և կենսաբանության դասավանդման վերաբերյալ վերապատրաստումների։ Վերապատրաստվել է նաև կենսաբանության լաբորատոր սարքավորումների կիրառման ուղղությամբ։ Տիրապետում է Microsoft Word, Excel և PowerPoint ծրագրերին, ինչպես նաև արհեստական բանականության որոշ գործիքների։

Որակավորված Ուսուցիչներ

Խորեն Հարությունյան

ՆԶՊ ուսուցիչ, զինղեկ

Խորեն Հարությունյան

2015 թվականից աշխատում է «Ախուրիկի միջնակարգ դպրոց» ՊՈԱԿ-ում՝ որպես ՆԶՊ ուսուցիչ և զինղեկ։ Ավարտել է Նիժնի Նովգորոդի բարձրագույն զինվորական հրամանատարական ուսումնարանը, ինչպես նաև ՀՀ պաշտպանության նախարարության բարձրագույն սպայական դասընթացները։ 1992–2015 թվականներին ծառայել է ՀՀ զինված ուժերի տարբեր զորամասերում՝ զբաղեցնելով հրամանատարական և շտաբային պաշտոններ։ Մասնակցել է դասավանդման հմտությունների զարգացման, դասի պլանավորման մեթոդների ընտրության, ռեսուրսների կառավարման և 21-րդ դարի հմտությունների խթանման թեմաներով վերապատրաստումների։ Կամավոր ատեստավորվել է 2022 և 2025 թվականներին։ Ունի 4-րդ աստիճանի տարակարգ։ Տիրապետում է Microsoft Word, Excel և PowerPoint ծրագրերին։

Համբարձում Խաչատրյան

Ֆիզկուլտուրա

Համբարձում Խաչատրյան

2022 թվականից աշխատում է «Ախուրիկի միջնակարգ դպրոց» ՊՈԱԿ-ում՝ որպես ֆիզիկական կուլտուրայի ուսուցիչ։ Ավարտել է Շիրակի պետական համալսարանը՝ ստանալով նախազորակոչային և ֆիզիկական պատրաստության բակալավրի որակավորում։ Մասնակցել է ռեսուրսների կառավարման և դասի պլանավորման ժամանակ մեթոդների ընտրության թեմաներով վերապատրաստումների։ 2024 թվականին մասնակցել է «Ֆիզիկական կուլտուրա» առարկայի կամավոր ատեստավորմանը և հաղթահարել անցողիկ շեմը։ Ունի մանկավարժի 2-րդ աստիճանի տարակարգ և տիրապետում է Microsoft Office ծրագրերին։

Ալիսա Մսրյան

Կերպարվեստ

Ալիսա Մսրյան

Ուսուցիչներ

Սինամ Գասպարյան

Պատմություն

Սինամ Գասպարյան

Սինամ Գասպարյանը պատմության ուսուցչուհի է։ Ավարտել է Լենինականի Մ․ Նալբանդյանի անվան պետական մանկավարժական ինստիտուտը։ Մանկավարժական գործունեությունը սկսել է 1987 թվականին՝ աշխատելով որպես դաստիարակ։ 1994 թվականից աշխատում է Ախուրիկի միջնակարգ դպրոցում՝ որպես պատմության ուսուցչուհի։ Մասնակցել է պատմության, քաղաքացիական կրթության, մարդու իրավունքների, դասղեկական աշխատանքի և դասավանդման հմտությունների զարգացման բազմաթիվ վերապատրաստումների ու ատեստավորման դասընթացների։

Գոհար Մկրտչյան

Հայոց լեզու և գրականության

Գոհար Մկրտչյան

Գոհար Մկրտչյանը հայոց լեզվի, գրականության և հասարակագիտության ուսուցչուհի է։ Ավարտել է Միքայել Նալբանդյանի անվան պետական մանկավարժական ինստիտուտը՝ ստանալով հայոց լեզվի և գրականության ուսուցչի որակավորում։ 1998 թվականից աշխատում է Ախուրիկի միջնակարգ դպրոցում։ Մասնակցել է հայոց լեզվի և գրականության, հասարակագիտության, ֆինանսական ու քաղաքացիական կրթության, ինչպես նաև դասավանդման հմտությունների զարգացման մասնագիտական վերապատրաստումների։

Սիլվա Մխիթարյան

Հայոց լեզու և Գրականություն

Սիլվա Մխիթարյան

1997 թվականից աշխատում է «Ախուրիկի միջնակարգ դպրոց» ՊՈԱԿ-ում՝ որպես հայոց լեզվի և գրականության ուսուցչուհի։ Ավարտել է Լենինականի Մ․ Նալբանդյանի անվան պետական մանկավարժական ինստիտուտի բանասիրական բաժինը։ Մասնակցել է հայոց լեզվի և գրականության դասավանդման, կրթության կազմակերպման և մասնագիտական զարգացման մի շարք վերապատրաստումների։ Տիրապետում է ռուսերեն և անգլերեն լեզուներին, ինչպես նաև Microsoft Word ծրագրին։

Սյուզաննա Թորոսյան

Հայոց լեզու և Գրականություն

Սյուզաննա Թորոսյան

2025 թվականի մարտից աշխատում է «Ախուրիկի միջնակարգ դպրոց» ՊՈԱԿ-ում՝ որպես մայրենիի, հայոց լեզվի և գրականության ուսուցչուհի։ Ավարտել է Գյումրու պետական մանկավարժական ինստիտուտի պատմաբանասիրական ֆակուլտետը՝ ստանալով հայոց լեզվի և գրականության ուսուցչի որակավորում։ Մասնագիտական գործունեությունն սկսել է «Լուսաղբյուրի միջնակարգ դպրոց» ՊՈԱԿ-ում՝ որպես հայոց լեզվի և գրականության ուսուցչուհի։ Տիրապետում է Microsoft Word, Excel, Canva, Adobe Illustrator և Figma ծրագրերին։

Քրիստինե Սարգսյան

Մաթեմատիկա

Քրիստինե Սարգսյան

2022 թվականից աշխատում է «Ախուրիկի միջնակարգ դպրոց» ՊՈԱԿ-ում՝ որպես մաթեմատիկայի ուսուցչուհի։ Ավարտել է Գյումրու Մ․ Նալբանդյանի անվան մանկավարժական ինստիտուտի ֆիզիկամաթեմատիկական ֆակուլտետի ֆիզիկայի բաժինը։ Մասնագիտական գործունեության ընթացքում աշխատել է նաև որպես ֆիզիկայի ուսուցչուհի և ֆիզիկայի դասախոս։ Մասնակցել է ԲՏՃՄ, թվային քաղաքացիության, ձևավորող գնահատման և ուսուցիչների մասնագիտական չափանիշների թեմաներով վերապատրաստումների։ Ունի համակարգչային ծրագրերով աշխատելու, տեքստեր մշակելու և համացանցում տեղեկատվություն որոնելու հմտություններ։

Թամարա Բաղդասարյան

Մաթեմատիկա

Թամարա Բաղդասարյան

Թամարա Բաղդասարյանը ֆիզիկայի, մաթեմատիկայի և շախմատի ուսուցչուհի է։ Ավարտել է Գյումրու Մ․ Նալբանդյանի անվան պետական մանկավարժական ինստիտուտի ֆիզիկամաթեմատիկական ֆակուլտետը՝ ստանալով ֆիզիկայի և մաթեմատիկայի ուսուցչի որակավորում։ 2013 թվականից աշխատում է Ախուրիկի միջնակարգ դպրոցում՝ որպես ֆիզիկայի, 2014 թվականից՝ շախմատի, իսկ 2023 թվականից՝ մաթեմատիկայի ուսուցչուհի։ Մասնակցել է ֆիզիկայի և շախմատի առարկայական, պարտադիր ատեստավորման, դասավանդման հմտությունների զարգացման և մասնագիտական կողմնորոշման վերաբերյալ բազմաթիվ վերապատրաստումների։ Տիրապետում է ժամանակակից կրթական հարթակներին և համակարգչային ծրագրերին՝ մասնագիտական մակարդակով։

Նարինե Կարապետյան

Աշխարհագրություն

Նարինե Կարապետյան

2012 թվականից աշխատում է «Ախուրիկի միջնակարգ դպրոց» ՊՈԱԿ-ում՝ որպես աշխարհագրության և բնության առարկաների ուսուցչուհի։ Ավարտել է Գյումրու Մ․ Նալբանդյանի անվան պետական մանկավարժական ինստիտուտի բնագիտաաշխարհագրական ֆակուլտետի աշխարհագրության բաժինը՝ ստանալով աշխարհագրության և կիրառական տնտեսագիտության ուսուցչի որակավորում։ Մասնակցել է հանրակրթության պետական չափորոշչի ներդրման, կլիմայական կրթության, մեդիագրագիտության, գնահատման, թվային քաղաքացիության, առողջ ապրելակերպի և աշխարհագրության լաբորատոր սարքավորումների կիրառման վերաբերյալ վերապատրաստումների։ Վերապատրաստվել է նաև «Բնագիտություն 11» ծրագրի և «Աշխարհացույց» կրթական նորարարական հարթակի շրջանակներում՝ ստանալով «Հետազոտող ուսուցիչ» հավաստագիր։ Տիրապետում է ռուսերեն և անգլերեն լեզուներին, ունի համակարգչային լավ հմտություններ։

Էմմա Գասպարյան

Քիմիա, Կենսաբանության

Էմմա Գասպարյան

Էմմա Գասպարյանը քիմիայի և կենսաբանության ուսուցչուհի է։ Ավարտել է Երևանի Կ․ Մարքսի անվան պոլիտեխնիկական ինստիտուտի կիբեռնետիկայի ֆակուլտետը։ Մանկավարժական գործունեությունը սկսել է 1983 թվականին՝ Լեռնապարի միջնակարգ դպրոցում։ 1996 թվականից աշխատում է Ախուրիկի միջնակարգ դպրոցում՝ դասավանդելով քիմիա և կենսաբանություն։ Մասնակցել է առարկայական, ատեստավորման, կրթական տեխնոլոգիաների և լաբորատոր սարքավորումների կիրառման վերաբերյալ բազմաթիվ մասնագիտական վերապատրաստումների։

Անժելա Բադեյան

Դասվար

Անժելա Բադեյան

Անժելա Բադեյանը դասվար է։ Ավարտել է Շիրակի Մ․ Նալբանդյանի անվան պետական համալսարանի մանկավարժության և մեթոդիկայի բաժինը։ 2020–2023 թվականներին Ախուրիկի միջնակարգ դպրոցում աշխատել է որպես օպերատոր, իսկ 2023 թվականից աշխատում է որպես դասվար։ Մասնակցել է ինքնուրույն սովորելու կարողությունների գնահատման, ծնողավարության, քննադատական մտածողության և ուսուցիչների մասնագիտական չափանիշների վերաբերյալ վերապատրաստումների։ 2024–2025 թվականներին անցել է պարտադիր ատեստավորում։

Վարդուհի Պապանյան

Դասվար

Վարդուհի Պապանյան

2016 թվականից աշխատում է «Ախուրիկի միջնակարգ դպրոց» ՊՈԱԿ-ում՝ որպես դասվար։ Ավարտել է Գյումրու Մ․ Նալբանդյանի անվան մանկավարժական ինստիտուտի «Տարրական կրթություն և մեթոդիկա» բաժինը։ Նախկինում աշխատել է Գյումրու թիվ 5 դպրոցում՝ որպես համակարգչային օպերատոր։ Մասնակցել է ներառական կրթության, աղետների ռիսկերի նվազեցման, ձեռնարկատիրական և ֆինանսական կրթության, գնահատման ու ձևավորող գնահատման, ինչպես նաև երաժշտության դասավանդման մեթոդիկայի վերաբերյալ վերապատրաստումների։ Տիրապետում է Microsoft Word, Excel և PowerPoint ծրագրերին։ Հետաքրքրված է արհեստական բանականության գործիքների ուսումնասիրությամբ և կիրառմամբ։

Գոհարիկ Այվազյան

Դասվար

Գոհարիկ Այվազյան

Գոհարիկ Այվազյանը դասվար է։ Ավարտել է Լենինականի Մ․ Նալբանդյանի անվան մանկավարժական ինստիտուտի ֆիզմաթ ֆակուլտետի մաթեմատիկայի բաժինը։ Մանկավարժական գործունեությունը սկսել է 1981 թվականին՝ Ախուրիկի միջնակարգ դպրոցում աշխատելով որպես երկարօրյա խմբի դաստիարակ։ 1986 թվականից նույն դպրոցում աշխատում է որպես դասվար։ Մասնակցել է դասվարների մասնագիտական, ձեռնարկատիրական կրթության, մանկավարժահոգեբանական աջակցության և հերթական ատեստավորման վերապատրաստումների։ Հետաքրքրված է նաև մեդիագրագիտության ուսումնասիրությամբ։

Ֆիգրոնյա Հարությունյան

Դասվար

Ֆիգրոնյա Հարությունյան

1991 թվականից աշխատում է «Ախուրիկի միջնակարգ դպրոց» ՊՈԱԿ-ում՝ որպես դասվար։ Ավարտել է Լենինականի Մ․ Նալբանդյանի անվան մանկավարժական ինստիտուտի մաթեմատիկայի բաժինը։ Մասնագիտական գործունեության ընթացքում աշխատել է նաև որպես մաթեմատիկայի ուսուցչուհի, գրադարանավարուհի և երկարօրյա խմբի դաստիարակ։ Մասնակցել է առարկայական, ձեռնարկատիրական կրթության, թվային հմտությունների և դասվարի մասնագիտական զարգացման վերապատրաստումների։ Տիրապետում է Microsoft Word ծրագրին և արհեստական բանականության որոշ գործիքների։

Իրինա Մխիթարյան

ԹԳՀԳ

Իրինա Մխիթարյան

Իրինա Մխիթարյանը թվային գրագիտության և համակարգչային գիտության (ԹԳՀԳ) ուսուցչուհի է։ Ավարտել է Գյումրու Միքայել Նալբանդյանի անվան պետական մանկավարժական ինստիտուտը՝ «Ինֆորմատիկա» մասնագիտությամբ։ Աշխատում է Ախուրիկի միջնակարգ դպրոցում, իսկ 2024 թվականից ղեկավարում է նաև «Առողջ ապրելակերպ» խմբակը։ Մասնակցել է թվային և մեդիագրագիտության, դասի պլանավորման, գնահատման, ներառական կրթության, թվային քաղաքացիության և դասավանդման ժամանակակից մեթոդների վերաբերյալ մասնագիտական վերապատրաստումների։ 2024 թվականին իր սաների հետ «Առողջ ապրելակերպի դեսպան» մրցույթում զբաղեցրել է 4-րդ հորիզոնականը։

Լիլիթ Քոչարյան

ԷԿԴԱ մասնագետ

Լիլիթ Քոչարյան

2023 թվականից աշխատում է «Ախուրիկի միջնակարգ դպրոց» ՊՈԱԿ-ում՝ որպես էլեկտրոնային կառավարման և դասավանդման ապահովման մասնագետ։ Սովորում է Շիրակի պետական համալսարանի քոլեջի «Գրադարանային գործ» բաժնում։ Մասնակցել է «Սիրիուս Պլյուս» համակարգչային ուսումնական կենտրոնի օպերատորական դասընթացին։ Տիրապետում է Microsoft Office ծրագրերին՝ Word, Excel, PowerPoint, ինչպես նաև Adobe Photoshop և CorelDRAW ծրագրերին։

Լուսիկ Ղազարյան

Ուսուցչի օգնական

Լուսիկ Ղազարյան

Լուսիկ Ղազարյանն ուսուցչի օգնական է։ Ավարտել է Գյումրու Միքայել Նալբանդյանի անվան մանկավարժական ինստիտուտի մանկավարժության ֆակուլտետի սոցիալական մանկավարժության բաժինը։ 2020 թվականին Ախուրիկի միջնակարգ դպրոցում աշխատել է որպես նախակրթարանի դաստիարակ, իսկ 2023 թվականից աշխատում է որպես ուսուցչի օգնական։ Մասնակցել է լոգոպեդիայի, ներառական կրթության, հաղորդակցության, մատչելիության, խելամիտ հարմարեցումների և կրթության առանձնահատուկ պայմանների կարիք ունեցող երեխաների հետ աշխատանքի վերաբերյալ մասնագիտական վերապատրաստումների։

Նաիրա Մանասյան

Ռուսաց լեզու

Նաիրա Մանասյան

Նաիրա Մանասյանը ռուսաց լեզվի և գրականության ուսուցիչ է։ Ավարտել է Գյումրու մանկավարժական ուսումնարանի դպրոցական և ռուսաց լեզվի բաժինը, ապա՝ Գյումրու Մ. Նալբանդյանի անվան պետական մանկավարժական ինստիտուտի բանասիրական ֆակուլտետը՝ ստանալով ռուսաց լեզվի և գրականության ուսուցչի որակավորում։ Մանկավարժական գործունեությունը սկսել է 2001 թվականին։ Աշխատել է Ազատանի միջնակարգ դպրոցում, իսկ 2013 թվականից ռուսաց լեզու է դասավանդում Ախուրիկի միջնակարգ դպրոցում։ Մասնակցել է մասնագիտական, ատեստավորման և մանկավարժահոգեբանական վերապատրաստումների։ Տիրապետում է ռուսերենին՝ մասնագիտական, իսկ անգլերենին՝ միջին մակարդակով։

Արաքսյա Գրիգորյան

Լաբորանտ

Արաքսյա Գրիգորյան

Արաքսյա Գրիգորյանը լաբորանտ է։ Ավարտել է Գյումրու Մ․ Նալբանդյանի անվան պետական մանկավարժական ինստիտուտի բնագիտաաշխարհագրական ֆակուլտետի կենսաբանության բաժինը՝ ստանալով կենսաբանի որակավորում։ Ունի նաև նախադպրոցական հաստատության մանկավարժի մասնագիտություն։ 2011–2025 թվականներին աշխատել է որպես դաստիարակ։ 2025 թվականից աշխատում է Ախուրիկի միջնակարգ դպրոցում՝ որպես լաբորանտ, ինչպես նաև Ախուրիկի «Լիլիթ» մսուր-մանկապարտեզում՝ որպես մեթոդիստ։ Մասնակցել է նախադպրոցական կրթության, մանկավարժահոգեբանական աջակցության և լաբորանտների մասնագիտական վերապատրաստումների։

Արմինե Մելքոնյան

Անգլերեն

Արմինե Մելքոնյան

Արմինե Մելքոնյանը անգլերենի ուսուցչուհի և դաստիարակչական աշխատանքների կազմակերպիչ է։ Ավարտել է Գյումրու Միքայել Նալբանդյանի անվան պետական մանկավարժական ինստիտուտի օտար լեզուների ֆակուլտետը՝ ստանալով անգլերենի և ֆրանսերենի ուսուցչի որակավորում։ 2007 թվականից անգլերեն է դասավանդում Ախուրիկի միջնակարգ դպրոցում, իսկ 2020 թվականից իրականացնում է նաև դաստիարակչական աշխատանքների կազմակերպչի պարտականությունները։ Մասնակցել է ներառական կրթության, ՏՀՏ-ի, դասավանդման հմտությունների զարգացման, թվային քաղաքացիական կրթության և ապատեղեկատվության դեմ պայքարի թեմաներով վերապատրաստումների։

Սիլվա Պապանյան

Գործավար

Սիլվա Պապանյան

2023 թվականից աշխատում է «Ախուրիկի միջնակարգ դպրոց» ՊՈԱԿ-ում՝ որպես գործավար։ Ավարտել է Շիրակի պետական համալսարանի «Հոգեբանություն» բաժինը՝ ստանալով բակալավրի աստիճան։ 2023 թվականին «Ժեստ» հոգեբանական կենտրոնում ստացել է լոգոպեդի միջազգային լիցենզավորում։ Մասնագիտական փորձ ունի լոգոպեդիայի, երեխաների զարգացման և հոգեբանասոցիալական աջակցության ոլորտներում։ Աշխատել է «Ժեստ» հոգեբանական կենտրոնում և «Ընտանիք և համայնք» ԲՀԿ-ի Արթիկի կենտրոնում։ Մասնակցել է ներառական կրթության, երեխաների բարեկեցության և բռնության ենթարկված երեխաներին բազմամասնագիտական աջակցության տրամադրման թեմաներով վերապատրաստումների։ Տիրապետում է ռուսերեն և անգլերեն լեզուներին, ինչպես նաև Microsoft Office ծրագրերին։

Լիլիթ Բաղդասարյան

Հաշվապահ

Լիլիթ Բաղդասարյան

Լիլիթ Բաղդասարյանն ավարտել է Հայաստանի պետական տնտեսագիտական համալսարանը։ 2008 թվականից աշխատում է Ախուրիկի միջնակարգ դպրոցում։ Տիրապետում է ռուսերենին՝ գերազանց, իսկ անգլերենին՝ լավ մակարդակով։ Ունի համակարգչային բարձր հմտություններ և աշխատում է MS Office, Excel, 1C ու ՀԾ ծրագրերով։

Սեդա Միրիջանյան

Ֆիզիկա առարկայի լաբորանտ

Սեդա Միրիջանյան

2026 թվականից աշխատում է «Ախուրիկի միջնակարգ դպրոց» ՊՈԱԿ-ում՝ որպես ֆիզիկայի լաբորանտ։ Ավարտել է Շիրակի պետական համալսարանի բնագիտաաշխարհագրական ֆակուլտետի աշխարհագրության բաժինը։ Տիրապետում է ռուսերեն լեզվին և ունի համակարգչային լավ հմտություններ։

Սուսաննա Սարգսյան

Հոգեբան

Սուսաննա Սարգսյան

2023 թվականից աշխատում է «Ախուրիկի միջնակարգ դպրոց» ՊՈԱԿ-ում՝ որպես հոգեբան։ Ավարտել է Եվրոպական համալսարանի Գյումրու մասնաճյուղի «Հոգեբանություն» բաժինը։ Մասնակցել է աուտիզմի հաղթահարման ուղիների, դպրոցական լոգոպեդիայի, ներառական և մատչելի հաղորդակցության, երեխաների ուսումնական հարմարման, հոգեբանական խնդիրների հաղթահարման և դպրոցական հոգեբանի գործունեության կազմակերպման թեմաներով վերապատրաստումների։ Վերապատրաստվել է նաև անվտանգ և ապրումակցող կրթական միջավայրի ձևավորման, ինչպես նաև դպրոցի հոգեբանի գործառույթների և աշխատանքային գործիքակազմի կիրառման ուղղությամբ։ Ունի համակարգչային և տեղեկատվության որոնման լավ հմտություններ։

«Ախուրիկի միջնակարգ դպրոց» ՊՈԱԿ
Քո ուղին դեպի մեծ ապագա։

Կապ մեզ հետ

ՀՀ Շիրակի մարզ , քաղաք Գյումրի , Ալեք Մանուկյան 4
Հեռ․ 0312 5-15-02, 0312 5-41-00

Ամեն ինչ Ախուրիկի միջնակարգ դպրոցի մասին՝ մեկ հարթակում։

Icon-facebook