ԱԽՈՒՐԻԿԻ ՄԻՋՆԱԿԱՐԳ ԴՊՐՈՑԻ առաքելությունը

Ախուրիկի դպրոցը  հիմնադրվել է 1923.թ և գործել է որպես տարրական դպրոց: Հետագայում`1926թ. Ախուրիկի և հարակից գյուղերի սովորողների համար հիմնադրվել է միացյալ`միջնակարգ դպրոց` մեկ մասնաշենքով: 1988թ. երկրաշարժի հետևանքով դպրոցի հիմնական մասնաշենքը վնասվելու պատճառով դասապրոցեսը շարունակվել է  համայնքի մանկապարտեզի մասնաշենքում: Հետագայում`2012թ., ՀՀ Կառավարության կողմից  դպրոցի վերանորոգման համար հատկացված միջոցների հաշվին շահագործման է հանձնվել դպրոցի ներկայիս մասնաշենքը, որը նախատեսված է 150 աշակերտի համար: 2010թ. գործել որպես միջնակարգ կրթություն իրականացնող ուսումնական հաստատություն:

Համաձայն ՀՀ ԿԳ նախարարի 2011թ. Հ. 277-Ա/Ք հրամանի տրված լիցենզիաների դպրոցն իրավունք ունի իրականացնելու հետևյալ կրթական ծրագրերը.

տարրական  ընդհանուր՝  սովորողների քանակի 70 սահմանային տեղով:

հիմնական ընդհանուր՝ սովորողների քանակի 90 սահմանային տեղով

միջնակարգ ընդհանուր` սովորողների քանակի 45 սահմանային տեղով

Ներկայումս ուսումնական գործընթացը իրականացվում է միահերթ և հնգօրյա աշխատանքային ռեժիմով: Դասավանդվող օտար լեզուներն են  ռուսաց լեզուն և անգլերենը: 2015թ.գործում է   ՛՛Արմաթ՛՛ ինժեներական լաբորատորիա:

2019 թվականից Համաշխարհային բանկի ՛՛Կրթության բարելավում՛՛ ծրագրի շրջանակում պայմաններ են ստեղծվել նախակրթարանի համար, որտեղ ներկայումս հաճախում է հինգ երեխա:

Դպրոցն ունի մեկ մասնաշենք, անհրաժեշտություն կա իրականացնելու ընթացիկ` մասնակի վերանորոգման աշխատանքներ:

Հիմնադրման օրվանից  այն համալրված է եղել բանիմաց մանկավարժներով։

Դպրոցում աշխատում են երկար տարիների մանկավարժական փորձ ունեցող ուսուցիչներ, որոնք իրենց  գիտելիքներն ու հմտությունները փոխանցում են սկսնակ մանկավարժական աշխատողներին: Իմ գործունեությունը նպատակաուղղվելու է դպրոցի տարիների ընթացքում ունեցած ձեռքբերումների և ավանդույթների պահպանմանն ու հետագա զարգացման ապահովմանը: Ստորև ներկայացված է դպրոցի ներքին կառուցվածքը.